Orange Armenia–ն սկսում է 21.6 Մբիթ/վ. ինտերնետի արագություն ապահովող մոդեմի զանգվածային վաճառքները

ԵՐԵՎԱՆ, 5 նոյեմբերի. /ԱՌԿԱ/. Orange Armenia ընկերությունը սկսում է մոդեմի զանվածային վաճառքները, որը 21.6 Մբիթ/վ ինտերնետի արագություն է ապահովում, երկուշաբթի Հայաստանում ընկերության ներկայության երրորդ տարվան նվիրված ասուլիսի ժամանակ ասաց Orange Armenia ընկերության մարքեթինգի տնօրեն Արամ Մկրտչյանը։

Նա տեղեկացրեց նաև, որ տվյալ արագությունը կարող է գործնականում  ապահովվել Հայաստանի ողջ տարածքում։

Orange Armenia ընկերության գլխավոր տնօրեն Ֆրանսիս Ժելիբտերն իր հերթին նշեց, որ մոդեմն անվճար հիմունքով (1 դրամ)  կտրամադրվի այն բաժանորդներին, ովքեր մեկ տարի ժամկետով 9 հազար դրամ և ավելի արժեքով սակագնային պլանի ինտերնետ բաժանորդագրություն կձևակերպեն։

Ավելի վաղ տեղեկացվել էր, որ առանց բաժանորդագրության մոդեմը հնարավոր է ձեռք բերել 22 հազար դրամով։
Օրանժ Արմենիա» ընկերությունը, որը հայկական շուկայում սկսել է գործել 2009 թվականի նոյեմբերի 5-ից, Ֆրանս Տելեկոմի 100% դուստր ընկերությունն է: Օրանժը 83 տոկոս ծածկույթ է ապահովել և բջջային կապ ու համացանցի հասանելիություն՝ երկրի 500 համայնքներում (քաղաքներ և գյուղեր) ($1 – 405,96 դրամ):--0-