«ՄՏՍ կոնեկտ» սակագնային պլաններից մեկի բաժանորդները «ՄՏՍ կոնեկտ E353» մոդեմը կարող են գնել 2000 դրամով

ԵՐԵՎԱՆ, 2 նոյեմբերի. /ԱՌԿԱ/. ՎիվաՍել-ՄՏՍ-ը` «ՄՏՍ» ԲԲԸ դուստր ընկերությունը, տեղեկացնում է, որ մինչև դեկտեմբերի 31-ը դառնալով «ՄՏՍ կոնեկտ 256», «ՄՏՍ կոնեկտ ուսանողական», «ՄՏՍ կոնեկտ անսահմանափակ» կամ «ՄՏՍ կոնեկտ անսահմանափակ+» սակագնային պլանի բաժանորդ առնվազն մեկ տարով` «ՄՏՍ կոնեկտ E353» USB մոդեմը կարելի է ձեռք բերել ընդամենը 2000 դրամով` նախկին 10000 դրամի փոխարեն, «ԱՌԿԱ» գործակալությանը հաղոդեցին ՎիվաՍել–ՄՏՍ ընկերության մամուլի ծառայությունից։

«ՄՏՍ կոնեկտ E353» մոդեմն ապահովում է ներբեռնման մինչև 21,6 Մբիթ/վրկ և վերբեռնման` մինչև 5,76 Մբիթ/վրկ արագություն:

«Մանրամասն տեղեկություններ ստանալու համար կարելի է օգտվել www.vivacell.am կայքից կամ pda.mts.am բջջային կայքից, զանգահարել 111 անվճար հեռախոսահամարով, հաղորդակցվել մեզ հետ «111 օնլայն» պորտալի միջոցով, կամ այցելել մեր սպասարկման կենտրոններից որևէ մեկը»,– նշեցին մամուլի ծառայությունից։

ՎիվաՍել-ՄՏՍ (Ղ-Տելեկոմ) ընկերությունը հայկական շուկայում աշխատում է 2005 թվականից: Ընկերության բաժնետոմսերի 80 տոկոսը պատկանում է Ռուսաստանի և ԱՊՀ բջջային կապի խոշորագույն օպերատոր «Մոբիլնիե Տելեսիստեմի» ԲԲԸ-ին, մնացած 20 տոկոսը պատկանում է լիբանանյան Fattouch Group ներդրումային խմբին: -0--