«Ձեռնարկությունների ինկուբատոր» հիմնադրամը կզբաղվի Nokia հետազոտական կենտրոնի ստեղծմամբ
ԵՐԵՎԱՆ, 27 դեկտեմբերի. /ԱՌԿԱ/. «Ձեռնարկությունների ինկուբատոր» հիմնադրամը կզբաղվի Nokia հետազոտական կենտրոնի ստեղծմամբ։
Համապատասխան որոշումը Հայաստանի կառավարության կողմից ընդունվել է հինգշաբթի օրվա նիստում։
««Մասնավոր հատված – Nokia ընկերություն – Համաշխարհային բանկ – կառավարություն» համագործակցության ձևաչափում կստեղծվի լուրջ արտադրական և գիտահետազոտական կենտրոն»,– ասաց էկոնոմիկայի նախարար Տիգրան Դավթյանը` ներկայացնելով որոշման նախագիծը։
Նախարարն առաջարկեց լիազորել EIF–ին համապատասխան համաձայնագիր ստորագրել և արագացնել կենտրոնի ստեղծման գործընթացը։
Նա ավելացրեց, որ Nokia ընկերության տարածաշրջանային հետազոտական լաբորատորիան, որը միակը կլինի ոչ միայն տարածաշրջանում, այլ նաև ԱՊՀ ողջ տարածքում, ներկայում ձևավորման գործընթացում է։ -0-