Apple-ը մտադիր չէ հրաժարվել սեղանի համակարգիչներից
ԵՐԵՎԱՆ, 20 դեկտեմբերի. /ԱՌԿԱ/. Վերջին տարիներին Apple-ն այնքան հազվադեպ է թարմացնում իր համակարգիչները (սև գլանակի տեսքով MacPro-ն թողարկվել էր դեռևս 2013 թ.-ին), որ շատերը որոշել էին, թե ընկերությունը, որի համար գլխավոր բիզնեսը դարձել է iPhone-ը, որոշել է ներդրումներ չանել «սեղանային» նորորորություններում: Սակայն Apple-ի ղեկավար Տիկ Կուկը վտսահեցնում է, որ դա այդպես չէ, հաղորդում է hitech.vesti.ru-ն:
«Որոշ ԶԼՄ-ներ հարց են տվել, արդյոք, մենք հավատարիմ կմնանք դեսքթոփերին, - գրել է Քուկն Apple-ի աշխատակիցների համար նախատեսված համաժողովի ժամանակ, - Եթե մեր թիմից ինչ-որ մեկը ևս կասկածում է, թույլ տվեք ասել ողջ պարզությամբ, որ մեր նախագծերում առկա են հիասքանչ ԱՀ-ներ: Ոչ ոք չպետք է անհանգստանա այդ կապակցությամբ»:
Քուկը նշել է, որ շնորհիվ բարձր արտադրողականության, էկրանների, հիշողության ծավալի և կուտակիչների մեծ չափերի, ինչպես նաև մեծ քանակությամբ և բազմազանությամբ փոխանցելի ինտերֆեյսերի, դեսքթոփային համակարգիչներն «իսկապես շատ կարևոր են, իսկ որոշ դեպքերում` ծայրահեղ կարևոր մարդկանց համար»:
Միաժամանակ, Քուկի խոսքից պարզ չէ, թե թողարկման համար նախատեսվող սեղանի ինչպիսի համակարգիչների մասին է խոսքը. նոր սերնդի iMac-ի մոնոբլոկերի (ներկա շարքին առնվազն հարկավոր է թարմացնել պրոցեսորները վերջին սերունդի տեսակով), թե անէկրան համակարգիչների` պրոֆեսիոնալ Mac Pro-նորի պես, թե տնային օգտագործման համար նախատեսված ոչ թանկ Mac mini-ի: -0-