Հայաստանում կգործի trade-in էլեկտրոնիկայի համար
14.01.2025,
12:54
ՀՀ էկոնոմիկայի նախարար Գևորգ Պապոյանը հայտարարել է օգտագործված գաջեթների, մասնավորապես՝ հեռախոսների և դյուրակիր համակարգիչների վերավաճառքի trade-in համակարգ ներդնելու մտադրության մասին
ԵՐԵՎԱՆ, 14 հունվարի․/ԱՌԿԱ/․ ՀՀ էկոնոմիկայի նախարար Գևորգ Պապոյանը հայտարարել է օգտագործված գաջեթների, մասնավորապես՝ հեռախոսների և դյուրակիր համակարգիչների վերավաճառքի trade-in համակարգ ներդնելու մտադրության մասին։
«Այդ հարցի շուրջ քննարկումներ են եղել, այդ թվում՝ Ազգային ժողովում։ Դա սովորական պրակտիկա է, որը կիրառվում է ամբողջ աշխարհում։ Հայաստանում այն ևս կա, գնում են հեռախոս, որոշ ժամանակ անց հրապարակում հայտարարությունների կայքում և վաճառում, հետո գումար են ավելացնում ու նորը գնում։ Բայց այս մեխանիզմը պետք է ավելի քաղաքակիրթ դառնա»,- ասաց նա նախօրեին ասուլիսի ժամանակ ։
Նրա խոսքով, նոր համակարգի ներդրումը նախատեսվում է տարվա ընթացքում։