Հայտնի են դարձել Samsung Galaxy S9 և S9+ սմարթֆոնների գները
ԵՐԵՎԱՆ, 26 փետրվարի. /ԱՌԿԱ/. Լրագրող և ինսայդեր Էվան Բլասը բացահայտել է նորագույն Samsung Galaxy S9 և S9+սմարթֆոնների գները: Այդ մասին նա գրառում է կատարել Twitter-ի իր միկրոբլոգում, հայտնում է Lenta.ru-ն:
Նրա տեղեկություններով, առաջին գաջեթի գինը կկազմի 841 եվրո, երկրորդինը՝ 997 եվրո:
Նշվում է, որ Samsung Galaxy S9 և S9+ սմարթֆոնների հիմնական առավելությունը ապարատային և ծրագրային ապահովման թարմացումը կլինի պատկերների և տեսագրությունների մշակման համար: 12 պիքսելանոց տեսախցիկը թույլ կտա օգտագործել super slow-motion(«դանդաղեցված նկարահանման») էֆեկտը՝ այսինքն վայրկյանում 480 կադր անել: Բացի այդ, տեսախցիկը կունենա 8 մեգապիքսել թույլատվություն:
Ինչպես հայտնում է Lenta.ru-ն, սմարթֆոնն առանձնապես չի տարբերվի S8-ից: Առանցքային տարբերությունը կլինի մատնահետքերի սքաների տեղադրման տեղը՝ դիսփլեյի մակերեսի տակ:
Նոր սմարթֆոնների պաշտոնական թողարկումը նախանշված է փետրվարի 25-ին: Ակնկալվում է, որ վաճառքը կմեկնարկի մարտի 16-ին:-0-