ORANGE-Ը ՆՈՐԱՐԱՐՈՒԹՅՈՒՆՆԵՐԻ ՄՐՑՈՒՅԹ է ՄԵԿՆԱՐԿՈՒՄ ԲՈՒՀԵՐԻ ՈՒՍԱՆՈՂՆԵՐԻ ՇՐՋԱՆՈՒՄ
ԵՐԵՎԱՆ, 4 մարտի. /ԱՌԿԱ/. Orange-ը նորարարությունների մրցույթ է մեկնարկել Երևանի պետական համալսարանի և Հայաստանի պետական ճարտարագիտական համալսարանի ուսանողների շրջանում, ուրբաթ լրագրողներին ասաց ընկերության գլխավոր տնօրեն Բրունո Դյութուան:
«Մրցույթի անցկացման հիմնական նպատակն է Հայաստանում երիտասարդ տաղանդների բացահայտումը և նրանց ինքնաարտահայտման հնարավորություն տալը, հեռահաղորդակցության ոլորտում հետաքրքիր գաղափարներ ներկայացնելը»,- ասել է Դյութուան:
Մրցույթին կարող են մասնակցել ԵՊՀ-ի ՏՏ կենտրոնի ֆիզիկայի, ինֆորմատիկայի և կիրառական մաթեմատիկայի, մաթեմատիկայի և մեխանիկայի, ռադիոֆիզիկայի ֆակուլտետների ուսանողները, ինչպես նաև ՀՊՃՀ-ի կիբեռնետիկայի, ռադիոտեխնիկայի և տեղեկատվական տեխնոլոգիաների, կիրառական մաթեմատիկայի և համակարգչային համակարգերի ու ինֆորմատիկայի ֆակուլտետների ուսանողները: -0-