ՀԱՅԱՍՏԱՆՈՒՄ ԲՋՋԱՅԻՆ ԿԱՊԻ ԾԱՌԱՅՈՒԹՅՈՒՆՆԵՐԻՑ ԱՎԵԼԻ ՔԱՆ 2,77 ՄԼՆ ԲԱԺԱՆՈՐԴ Է ՕԳՏՎՈՒՄ
Հայկական շուկայում բջջային կապի երեք օպերատոր է գործում՝ «ԱրմենՏել»-ը (ապրանքանիշը՝ Beeline, «ՎիմպելԿոմ» ռուսական ընկերության 100% դուստրը), ՎիվաՍել-ՄՏՍ-ը («Մոբիլնիե տելեսիսիտեմի» ռուսական օպերատորի դուստր ընկերությունը և Orange Armenia-ն (France Telecom-ի դուստր ընկերությունը)։
Ինչպես ասվում է տրանսպորտի և կապի նախարարության տարեկան հաշվետվության մեջ, 2010թ.-ի ընթացքում բջջային կապի ոլորտում ժամանակակից տեխնոլոգիաների ինտենսիվ ներդրում է կատարվել, միաժամանակ երկրի ողջ տարածքում ընդլայնվել է 3G ցանցը՝ 100 տոկոսանոց ծածկույթ ապահովելով։
Նշվում է սակագնային քաղաքականության ճկուն կիրառումը, որը գործնականում նվազագույն սակագներ և բոլոր օգտվողների համար նախընտրելի ծառայությունների համընդհանուր հասանելիություն է ապահովում։
Տվյալ պահին Հայաստանում 4G չափանիշներում գործող տեխնոլոգիաների և գործող համակարգերի տեխնիկական վերասարքավորման աշխատանքներ են տարվում։
ՎիվաՍել-ՄՏՍ-ն արդեն հայտարարել է Հայաստանում 4G/LTE ցանցի առաջին փորձնական կոմերցիոն գործարկման մասին: ՎիվաՍել-ՄՏՍ-ն իր բաժանորդներին հնարավորություն կընձեռի փորձարկելու 4G տեխնոլոգիայի վրա հիմնված ծառայությունները նախքան ցանցի` հանրապետության ամբողջ տարածքում լայնամասշտաբ գործարկումը:
Orange Armenia ընկերությունը նույնպես ներկայացրել է 4G տեխնոլոգիաների առավելությունները։
Ինչ վերաբերում է ամրակցված ցանցին, ապա ըստ նախարարության տվյալների, «ԱրմենՏել» ընկերության ֆիքսված ցանցի բաժանորդների թիվը 620 հազար է կազմում, որոնցից 530 հազարը Երևանում են։ -0-