Հայաստանում կապի ոլորտի հասույթը 2024թ․–ին աճել է 2,8%–ով՝ մինչև 167մլրդ դրամ

ԵՐԵՎԱՆ, 7 փետրվարի․/ԱՌԿԱ/․ Հեռուստատեսային և ռադիոհաղորդումների ստեղծման և հեռարձակման և հեռահաղորդակցության ոլորտի հասույթը 2024 թվականին կազմել է 166 991,1 մլն դրամ՝ 2023 թվականի համեմատ աճելով 2,8 տոկոսով։ Այս մասին հայտնում է Հայաստանի Ազգային վիճակագրական կոմիտեն։

Ավելին, նախորդ տարվա դեկտեմբերին այս ոլորտի հասույթը կազմել է 14743,4 մլն դրամ՝ դրա նախորդ տարվա դեկտեմբերի համեմատ աճելով 0,2%-ով, իսկ նոյեմբերի համեմատ՝ 3,7%-ով։ 

Հեռահաղորդակցության ոլորտի հասույթը հաշվետու տարում կազմել է 154 493.3 մլն դրամ (աճը 3.7%), հեռուստատեսային հաղորդումների ստեղծման և հեռարձակման մասով՝ 10 656.6 մլն դրամ (անկումը՝ 2.1%), իսկ ռադիոհաղորդումների ստեղծման և հեռարձակման մասով՝ 1.821.2 մլն դրամ (27,2%–ի անկում)։ ($1 - 396,83 դրամ)