ՎիվաՍել-ՄՏՍ–ն առաջարկում է «ՄՏՍ կոնեկտ սահմանափակ» սակագնային պլանը` նախատեսված երեխաների համար

ԵՐԵՎԱՆ, 3 հունիսի. /ԱՌԿԱ/. ՎիվաՍել-ՄՏՍ–ն առաջարկում է  «ՄՏՍ կոնեկտ սահմանափակ» հետվճարային սակագնային պլանը, որի շնորհիվ ինտերնետը դառնում է երեխաների համար միայն նոր գիտելիքի, աշխարհը ճանաչելու և զարգացման միջոց՝ զերծ անցանկալի և վտանգավոր բովանդակությունից:

Ինչպես տեղեկացնում են ընկերության մամուլի ծառայությունից, այս փաթեթից օգտվելու դեպքում հնարավոր է դառնում վերահսկել դիտվող կայքերը՝ սահմանափակելով երեխաների մուտքն իրենց համար չնախատեսված էջեր:

Աակագնային պլանին առնվազն մեկ տարով բաժանորդագրվելու դեպքում տրվում է «ՄՏՍ կոնեկտ» USB մոդեմ՝ արտոնյալ պայմաններով:

«ՄՏՍ կոնեկտ սահամանափակ» փաթեթի տրամադրման ամսավճարը կազմում է 5500 դրամ, որը նախատեսում է գերարագ ինտերնետի փաթեթ (ամսական) 5 ԳԲ

Մինչև 22 Մբիթ/վրկ ներբեռնում և վերբեռնում, ինտերնետի արագությունը գերարագ փաթեթի սպառումից հետո կազմում է 256 Կբիթ/վրկ ներբեռնում և վերբեռնում։ Անվճար տրվում են մոդեմներ` ՄՏՍ կոնեկտ դայմոնդ (14.4 Մբիթ/վրկ) և ՄՏՍ կոնեկտ E353 (21.6 Մբիթ/վրկ (մինչև 30.06.2013)։

SMS-ի սակագներ են 5 դրամ դեպի ՎիվաՍել-ՄՏՍ-ի ցանց, 20 դրամ` այլ ուղղություններով։

ՎիվաՍել-ՄՏՍ (Ղ-Տելեկոմ) ընկերությունը հայկական շուկայում աշխատում է 2005 թվականից: Ընկերության բաժնետոմսերի 80 տոկոսը պատկանում է Ռուսաստանի և ԱՊՀ բջջային կապի խոշորագույն օպերատոր «Մոբիլնիե Տելեսիստեմի» ԲԲԸ-ին, մնացած 20 տոկոսը պատկանում է լիբանանյան Fattouch Group ներդրումային խմբին: –0–