Telegram–ը կրկին հասանելի է AppStore–ում կարճաժամկետ հեռացումից հետո
ԵՐԵՎԱՆ, 4 օգոստոսի․/ԱՌԿԱ/․ Telegram մեսենջերը կարճատև հեռացումից հետո կրկին հասանելի է App Store հավելվածների խանութում ներբեռնման համար: Apple-ը վերականգնել է հավելվածն այն բանից հետո, երբ մշակողներն օպերատիվորեն վերացրել են պլատֆորմի կանոնների խախտումը, հայտնում է Reuters-ը՝ հղում անելով ընկերության հայտարարությանը:
Apple-ի տվյալներով՝ ստուգման ընթացքում հայտնաբերվել էր բովանդակություն, որը խախտում էր App Store-ի կանոնները, որոնք արգելում են երեխաների սեռական շահագործման հետ կապված նյութերը: Այն բանից հետո, երբ Telegram-ը հեռացրեց այդ կոնտենտը և բլոկավորեց այն տեղադրած օգտատիրոջը, հավելվածը վերադարձվեց խանութ:
Telegram-ում հաստատել են հավելվածի վերականգնումը՝ X սոցիալական ցանցում հեգնանքով մեկնաբանելով իրավիճակը. «Իմ մահվան մասին լուրերը խիստ չափազանցված են»:
Ավելի վաղ մի շարք երկրների օգտատերեր հայտնում էին, որ Telegram-ն անհետացել էր App Store-ից և հասանելի չէր տեղադրման համար, սակայն կարճ ժամանակ անց հավելվածը վերստին հայտնվեց խանութում: