«Օդնոկլասնիկին» Facebook-ից հետո լուսանկարները ֆիլմի վերածելու ծառայություն գործարկեց
ԵՐԵՎԱՆ, 24 փետրվարի. /ԱՌԿԱ/. «Օդնոկլասնիկի» սոցցանցը գործարկեց Magisto ծառայությունը` օգտատերերի լուսանկարներով և տեսագրություններով ֆիլմ ստեղծելու համար, հաղորդում է newsru.com-ը` հղում անելով սոցցանցի մամուլի հաղորդագրությանը։
Ծառայությունն առաջարկում է օգտատերերին ընտրել լուսանկարները և տեսագրությունները, որոնցով պետք է ստեղծվի ֆիլմը։ Ֆիլմի ստեղծման համար անվճար թույլատրվում է օգտագործել մինչև 15 լուսանկար և 10 տեսագրություն։ Իսկ վճարովի «Պրեմիում» ակաունտը հնարավորություն է տալիս մեծացնել ֆիլմի համար օգտագործվող լուսանկարների քանակը` մինչև 30, տեսագրություններինը` մինչև 25։Նման ակաունտի արժեքը կազմում է ամսական 80 ռուբլի կամ տարեկան 260 ռուբլի, հաղորդում է Digit.ru-ն։
«Օդնոկլասնիկի»-ում ֆիլմ ստեղծելիս երկրորդ քայլը թեմայի ընտրությունն է, իսկ եզրափակիչ քայլը` երաժշտության ընտրությունը։ Տվյալների մշակումը և 12 լուսանկարից ֆիլմի ստեղծումը տևում է մոտ մեկ րոպե։
Փետրվարի տեսանյութեր ստեղծելու ծառայություն գործարկեց Facebook սոցցանցը։ Ֆիլմը ստեղծվում է սոցցանցում օգտատիրոջ տեղադրած լուսանկարներից և կարգավիճակներից։–0–