Հայաստանում ինտերնետի զարգացման մակարդակը բավական բարձր է, սակայն դեռ ամբողջովին հասանելի չէ մարզերի համար. փորձագետ

ԵՐԵՎԱՆ, 9 հոկտեմբերի. /ԱՌԿԱ/. Հայաստանում ինտերնետի զարգացման մակարդակը բավական բարձր է, սակայն դեռ ամբողջովին հասանելի չէ մարզերում, «ԱՌԿԱ» գործակալությանը տված հարցազրույցում ասաց «Ինտերնետ հանրություն» ՀԿ նախագահ Իգոր Մկրտումյանը։

«Թափանցելիության մակարդակն աճել է, ինչը պայմանավորված է ինտերնետի արժեքի և օպտիկամանրաթելային մալուխի ներգրավմամբ, որոնք լայնորեն  ներդրվում են Հայաստանի բոլոր մարզերում»,– ասաց Մկրտումյանը։

Ըստ նրա` խնդիրը ոչ այնքան արժեքով է պայմանավորված, որքան բնակչության գնունակության ցածր մակարդակով։

«Օպերատորների կողմից առաջարկվող սակագները բավական ընդունելի են, և կարելի է հարմար տարբերակ գտնել, սակայն մարզի բնակիչների համար այն դեռևս մեծ խնդիր է, քանի որ նրանց կյանքի ցածր մակարդակի պայմաններում ավելի առաջնահերթ ծախսեր կան»,– ասաց Մկրտումյանը։

Ըստ նրա` գոյություն ունի բնակչության կատեգորիա, որին անհրաժեշտ է դիֆերենցված կերպով շատ ցածր գներ տրամադրել։ Փորձագետը նշեց, որ եթե Երևանում վճարի հետ կապված խնդիր չկա, ապա սահմանամերձ մարզերում անհրաժեշտ է շատ ցածր գնով հատուկ գնային առաջարկներ զարգացման և ստեղծել, ինչն անմիջապես կբարձրացնի մարզերում ինտերնետի ներթափանցումը։
 
«Ինտերնետ հանրություն» ՀԿ–ի տվյալների համաձայն` Հայաստանում ինտերնետի ներթափանցման մակարդակը կազմում է 56,9 տոկոս։ Երևանում ինտերնետի ներթափանցման ցուցանիշը 60,5 տոկոսից ավելի է, մարզերում 48 տոկոս է։ Ինչ վերաբերում է մարզերում գրանցված ակտիվությանը, ապա ներթափանցման առավել բարձր տոկոս է գրանցվել Երևանին մոտ գտնվող մարզերում` Կոտայքում` 58,6 տոկոս և Արարատում` 53,1 տոկոս։–0–