Մասկը հայտարարել է իր xAI ընկերության «ամենախելացի AI»-ի մասին

ԵՐԵՎԱՆ, 17 փետրվարի․/ԱՌԿԱ/․ Գործարար Իլոն Մասկը հայտարարել է իր xAI ընկերությունից Grok նեյրոցանցի երրորդ տարբերակի գործարկման մասին:

Այս մասին նա գրել է X-ում։

Գործարկումը տեղի կունենա փետրվարի 17-ին խաղաղօվկիանոսյան ժամանակով 20:00-ին, հաղորդում է ՌԲԿ-ն։

Grok–ի մշակումը, որն աշխատում է տեքստերի հետ, շարունակվում է 2023 թվականից, այն ժամանակ էլ ստեղծվել է xAI-ը։ Չաթբոտը հասանելի է Մասկին պատկանող X սոցիալական ցանցի պրեմիում բաժանորդներին։

Գործարարը նշել է, որ իր արհեստական ​​բանականությունն ունի հասանելիություն «X պլատֆորմի միջոցով իրական ժամանակի տեղեկատվության նկատմամբ, ինչը մեծ առավելություն է այլ ծրագրերի նկատմամբ», ինչպես նաև կարող է ստեղծել սարկազմով և հումորով տեքստեր։